თავდაცვის ყოფილი მინისტრი „ღია ეთერში“ გამოსვლის შემდეგ, მისი ოჯახის რომელიმე წევრის ან მეგობრის ზეწოლის შემთხევაში პასუხისმგებლობას მიხეილ სააკაშვილს აკისრებს.

„მე ვიქეცი იძულებით პოლიტიკურ ლტოლვილად, მაგრამ მალე დავბრუნდები. ძალიან მალე და ვიქნები იმ ხალხთან, რომელიც ახლა ქუჩაში იყინება და იმედს არ კარგავს” - განაცხადა ირაკლი ოქრუაშვილმა ეკა ხოფერიასთან საუბრისას.

ყოფილმა ჩინოვნიკმა საზოგადოებას პარლამენტის წინ მისვლისაკენ მოუწოდა და საპროტესტო აქციის მონაწილეებს გამძლეობა უსურვა. მანვე აღნიშნა, რომ მისი, როგორც პოლიტიკოსის კარიერა შელახულია და პოლიტიკური პრეტენზიები აღარ აქვს, თუმცა რიგითი მოქალაქის სტატუსით სააკაშვილის ხელისუფლების მოსაშორებლად ბოლომდე იბრძოლებს.